menu
Info

Provincie di Udin
Palaç Antonini-Belgrât
Place Patriarcjât 3
33100 Udin

Centralin
0432 2791

Fax
0432 279310

Ufici Relazions cul Public
0432 279440

Pueste eletroniche certificade

 
  Funzions e competencis

La Provincie di Udin e je une des cuatri de Regjon Friûl - Vignesie Julie. E je la plui grande par estension e par numar di abitants, in plui di sei la plui antighe, par vie che e cjape dentri la plui part dal Friûl storic.

 Cemût che al previôt il Statût: "La Provincie di Udin e je un Ent autonom teritoriâl che al cure i interès e che al promôf il disvilup de comunitât provinciâl su la fonde dai principis di sussidiarietât e di diferenziazion socioculturâl che a son tal teritori, cirint di rivâ ai obietîfs fissâts dai principis fondamentâi de Costituzion de Republiche. Par un tant, la Provincie e promôf iniziativis che a tindin a incressi la paritât di oportunitât di ducj chei che a fasin part de comunitât provinciâl".

 L’Ent al indrece la sô ativitât viers la tutele dai patrimonis culturâi che a son spieli des specificitâts des diviersis realtâts che a son tal teritori, metint in vore iniziativis coordenadis e indreçadis a cognossilis e fâlis cognossi, a conservâlis, valorizâlis e doprâlis.

   Lis competencis de Provincie a son tantis: programazion e promozion de culture, de istruzion e de difese dal ambient, des ativitâts sociâls, assistenziâls e de solidarietât, de viabilitât e dai traspuarts publics locâi, des ativitâts sportivis, de cjace e dal turisim. L’ent al à sburtât une vore pe tutele e pe valorizazion de lenghe furlane, tant che valôr di no podê fâ di mancul e tant che espression de identitât dal popul furlan.

 La Provincie e sburte ogni forme di colaborazion cul Stât, la Regjon, i Comuns e cun chei altris Ents publics, e ancje cu lis istituzions locâls di paîs europeans e di Stâts dulà che a son storichementri inlidrisadis comunitâts di çoc furlan. In particolâr, l’Ent al prudele e al coordene formis di colaborazion cui Comuns, bessôi o associâts, cu lis Comunitâts di mont e tra i Comuns, cun acuardis di program e convenzions.

 Il President de Provincie al è elet dai citadins a vôt universâl e diret, al è membri dal Consei provinciâl, al rapresente l’Ent, al clame dongje e al è da cjâf de Zonte e al sorintint al funzionament dai servizis e dai uficis.

 Il Consei al è l’orghin di direzion, di organizazion fondamentâl e di control politic aministratîf de Provincie.

 La Zonte e colabore cul President tal guvier de Provincie e e si môf cun deliberazions colegjâls.

 Dal 1951 a vuê i Presidents de Provincie di Udin a son stâts:

-  av. Agostino Candolini;

-  prof. Luigi Burtulo;

-  av. Vinicio Turello;

-  prof. Giancarlo Englaro;

-  sâr Tiziano Venier;

-  av. Giovanni Pelizzo;

-  cav.lav. dot. inz. Carlo Emanuele Melzi;

-  prof. Marzio Strassoldo di Graffembergo;

- on. Pietro Fontanini

Pagina aggiornata il: 28/10/2015 11.20 

Informazions sul sît | Informative | Cookie info | P.IVA e C.F. 00400130308