Palazzo Antonini-Belgrado

Provincia di Udine
Palazzo Antonini-Belgrado
Piazza Patriarcato 3
33100 Udine

Centralino
0432 2791

Fax
0432 279310

Uff. Relazioni con il Pubblico
0432 279440

Posta elettronica certificata

il cercapersone.
Siti tematici.
 
 

Il Friûl e i Furlans, testemonis di une fede salde e profonde, protagoniscj a Rome

 

Un prin contat, impuartant e diret, in viste de visite che il Pape al à in program pai 7 di Mai dal 2011 in Friûl, in ocasion de inaugurazion dal an di preparazion ae Seconde Cunvigne di Aquilee. Dilunc de udience di miercus ai 10 di Novembar inte sale Nervi il president de Provincie di Udin on. Pietro Fontanini al à vût l’onôr di incuintrâ di persone il Pape e al à esprimût la emozion pe notizie de sô visite in provincie di Udin. «Al sarà un apontament di grande fieste e partecipazion par dute la comunitât furlane», al à comentât il president Fontanini pandint ancje cetant preseament pes peraulis che al à doprât Pape Benedet XVI par descrivi i Furlans: “popul cuntune fede profonde e salde”. E propit i Furlans a son stâts i protagoniscj di doi apontaments che si son davuelts in Vatican. L’Arcivescul di Udin, bons. Bruno Mazzocato, al à celebrade la liturgjie solene te glesie di S.Spirito in Sassia. Te glesie e je stade esponude in vie ecezionâl la imagjin sacre de Sante Marie di Mont Lussari (1790 s.l.m.) a conclusion dal jubileu diocesan dal Santuari. La statue e je stade cussì puartade, passant pe vie de Conciliazion, ae udience in sale Nervi e e je stade esponude in bande dal Pari Sant, che al à risiervât ae comunitât furlane presinte une atenzion particolâr.

La udience e il Premi Giovanni da Udine al rientrave tal program des iniziativis organizadis dal Fogolâr Furlan di Rome in ocasion dal 60m inovâl de costituzion. «Events di alt nivel che a valorizin il nestri popul e la nestre tiere – al à evidenziât il president Fontanini – e par lôr o mandi un ringraziament al president dal Fogolâr Furlan di Rome, Adriano Degano e al arcivescul di Udin bons. Andrea Bruno Mazzocato». I premis a son stâts consegnâts dilunc de cerimonie che si è davuelte in Campidoglio devant di 300 furlans, un avigniment impuartant insiorât di un ricognossiment speciâl che il Cjâf dal Stât, Giorgio Napolitano, al à volût che al fos consegnât ai fradis Collavino (Valentino e Mario) che a realizaran la Freedom Tween Tower di New York che e vignarà sù a Ground Zero dulà che prime a jerin lis Tors Zimulis. I ricognossiments (une sculture di Franco Maschio e une medaie) de decime edizion dal premi a son lâts a: Odorico Altieri (floricultôr), bonsignôr Diego Causero (nunzi apostolic), Roberto Gervaso (gjornalist e scritôr), Gabriele Massarutto (imprenditôr), Bruno Pizzul (gjornalist sportîf), Dante Spinotti (diretôr di fotografie), Antonio Zanardi Landi (ambassadôr) e Franco Castellano (atôr). Une vore penze la delegazion di rapresentants des istituzions regjonâls che e je rivade te Capitâl par cheste fieste di coregjonâi residents a Rome.

«Un segnâl di trop che a son impuartants e strents i rapuarts tra il Friûl e i Furlans ator pal mont e chest premi – al à dit Fontanini – al ricuarde la grandece de nestre int, soredut tes dificoltâts, e al ten alt il non de Piçule Patrie».

Visita del Presidente a Roma.

Pagina aggiornata il: 17/11/2010 13.24 

A cura della Redazione Web - Nota informativa - Cookie info | C.F. 00400130308